Eminem-ийн бяцхан охин ахлах сургуулиа төгсчээ

Дуучин Eminem-н “бяцхан охин” буюу Hailie Mathers хэдийн том болж ахлах сургуулиа төгсчээ. Тэрээр 10 дугаар сард "Chippewa Valley" ахлах сургуулийн шилдэг сурагч хатан хаанаар сонгогдож өргөмжлөгдсөн ба 6 дугаар сард онц дүнтэйгээр сургуулиа төгсч эцэг эхийгээ өөрт нь хамгийн нөлөө үзүүлсэн хүмүүс гэж хүндэтгэл үзүүлжээ.



“Миний ээж аав хоёр намайг өнөөдрийн хүн болоход гол нөлөө үзүүлж, одоогийн энэ бүх зүйлд хүрэхэд минь бүх талаар дэмжиж тусалсан гэжээ. Тэрээр маш гайхалтай энгийн амьдардаг нь үнэхээр сайхан зүйл юм. Гэхдээ 2002 онд гаргаж байсан "The Eminem Show" цомгийн "Hailie"s Song" дууг санаж байгаа хүмүүст цаг хугацаа хэр хурдан өнгөрснийг сануулж байна.



Энэ дуунд эминем “миний бяцхан өсч томорсоор байна. Би түүнийг бахархалтайгаар өсч өндийхийг нь харж байна гэж дуулдаг билээ. 18 настай сэтгэл хөдлөм олон амжилтыг үзүүлэн төгсч буй охиноороо Эминем бахархаж байгаа нь дамжиггүй юм. Hailie охин East Lansing дахь Мичиганы их сургуульд сэтгэл судлал эсвэл бизнесийн чиглэлээр суралцахаар төлөвлөж байгаа юм байна.