Соланж Нөүлэс хуримаа хийжээ

Алдарт дуучин Бионсегийн дүү Соланж Нөүлэс хуримлажээ. Саяхан тэрээр эгчийнхээ нөхөр буюу реппер Жей Зитэй ширүүн гэгч муудалцаад авсныг уншигчид санаж буй биз ээ. Тэгвэл адтай бүсгүй маань өнгөрсөн ням гарагт видео клипний найруулагч Алан Фергусонтой хуримаа хийжээ.



Хосууд болоод уригдсан зочид цагаан өнгийн хувцсаар гоёсон байжээ. Түүний эгч ч мөн адил гэр бүлээрээ цагаан өнгөөр хослон иржээ. Хосуудын хуримнаас гадна сүйт бүсгүйн өмссөн хувцас олны сонирхлыг ихээхэн татсан аж. Учир нь тэрээр даашинз биш jump suit загварын хувцас өмссөн байна. Түүний өмссөн хувцсыг урласан дизайнер хэлэхдээ түүний өмссөн хувцас нь түүнийг яг л хатан хаан мэт харагдуулахаар бүтээгдсэн хэмээжээ.