90 настай аялагч эмээ

Лина 1983 онд Вьетнамд нэгэн настай эмэгтэйтэй танилцаж , хоол идэнгээ ярилцаж суужээ. Тэр үеэс л дэлхийг тойрон аялахаар шийджээ. Лина эмээ жилд 2 удаа аяладаг бөгөөд тэтгэвэрийн мөнгө болон цэцэг зарж олсон орлогоороо гадаад руу явдаг аж. Нэг явахдаа 3 долоо хоногийн хугацаатай аяладаг. 

Аялж байхдаа олон танилуудтай болдог бөгөөд нэг удаа өөрийнхөө үеийн аялагчтай танилцсан байна. Тэрхүү найз нь Герман эмэгтэй бөгөөд дараа жил ирэхийг урьжээ. Тэд Германд уулзаад Чех руу хамтдаа аяласан гэж тэрээр ярьжээ. 

Лина эмээ хаана ч явсан хэрэгтэй бүх зүйлээ агуулсан үүргэвчтэйгээ явдаг. "Намайг  аль ч оронд явсан хүмүүс маш найрсагаар тусалдаг. Тиймээс айх зүйлгүй, урам зоригоор дүүрэн аяладаг" гэж тэрээр ярьжээ. 

Лина эмээ үнэхээр нээлттэй сэтгэлгээтэй бөгөөд дугуй, мотоцикл унаж давхихад ч бэлэн. Ирэх жил Израйль, Итали улсаар аялах хүсэлтэй байгаа юм. Та ч гэсэн аялахыг хүсдэг бол гэр бүл, мөнгө байхгүй гэх мэт шалтгаан өөртөө өгөхгүйгээр хүсэл мөрөөдлөө биелүүлээрэй. Лина эмээ урам зориг өгсөн гэж найдаж байна.

Лина эмээ дараах зөвлөмжийг хүргэж байна 

-  Эмэгтэй хүн хүүхэд төрүүлдэг. Бүгд л санаа зовж , хүүхдийнхээ төлөө олон зүйлээс татгалздаг. Гэхдээ багахан хугацаанд өөртөө зав гаргаж байх хэрэгтэй. 

- Мөрөөд. Хэрвээ би мөрөөдөөгүй байсан бол энэ бүх сонирхолтой аялалыг хийж чадахгүй байсан. 

- Муу , сөрөг бодлоос өөрийгөө ангижруул. Үргэлж сайн сайхан гэрэл гэгээтэй зүйл бодож бай. 

- Бүү ай, зоригтой бай. Адал явдал эрэлхийж байгаа бол зоригтой байх нь хамгийн чухал. 

- Аяла

- Хаа ч явсан сайхан сэтгэлтэй хүмүүс тааралддаг учраас тусламж хэрэгтэй хэн нэгэн заавал гарч ирдэг

- Таларх . Бүх зүйлд талархаж сур. Байгаа зүйлдээ сэтгэл хангалуун бай. Тусалсан  сайхан сэтгэлтэй, , урам өгсөн бүх хүмүүст баярлаж, талархаж байгаа сэтгэлээсээ илэрхийлж байгаарай