”Ээж” киноны гол дүрийн жүжигчин Cansu Dere
Туркийн загвар өмсөгч, жүжигчин Cansu Dere нь 1980 оны 10 - р сарын 14 нд Туркийн Анкара хотод төрсөн. 37 настай. Түүний гэр бүл нь Грек, Болгариас гаралтай бөгөөд Туркийн цагаач гэр бүл юм. Бага байхдаа балетын бүжигчин болохыг мөрөөддөг байв. Гэвч бодсоноосоо өөр мэргэжил сонгосон бөгөөд Истанбул хотын их сургуулийн "Архелоги" - ийн ангийг дүүргэсэн юм. 2000 онд анх "Гоо бүсгүй" шалгаруулах тэмцээнд оролцож хоёрдугаар байр эзлэсэн бөгөөд энэ нь урлагийн зам руу ороход нь ихээхэн түлхэц болжээ. Анх телевизийн сурталчилгаанд тоглож, 2003 оноос эхлэн жүжигчний карьераа эхлүүлсэн юм. Анхны дүр нь хэдий туслах дүр байсан ч найруулагчдийн анхаарлыг татаж чадсан байна.
2004 онд анхны телевизийн кинонд дебютээ хийж, 2006-2008 онд "Sila" хэмээх цуврал киноны гол дүрд тоглосон нь түүнийг маш алдартай болгожээ. 2009 онд "the Last Ottoman Yandim Ali". 2011 онд "Ezel" цуврал киноны голд дүрийг бүтээсэн бөгөөд энэхүү кино нь хамгийн амжилттай, өндөр ашиг орлоготой байсан юм.
Цуврал киноны дүрүүдээрээ Турк улсдаа хамгийн алдартай жүжигчний нэг болж чадсан тэрээр удалгүй олон улсын тавцанд гарч, нэр хүндтэй кино наадмуудад оролцох болсон юм.
Харин түүний хувийн амьдралын талаар сэтгүүлчид ихээр сонирхдог. Туркийн жүжигчин Cem Yilmaz -тай удаан хугацаанд буюу 2002-2009 хооронд амьдарч байсан ч тэдний харилцаа урвалтаар дууссан юм. Түүний нөхөр хамгийн сайн найзтай нь амрагийн холбоотой болсон байв. Хүндхэн урвалтыг давж гарсан тэрээр дахин гэрлэх тал дээр маш нухацтай хандаж байгаа бөгөөд эр хүнтэй болох талаар боддоггүй гэжээ.
Түүний хобби олон орноор аялж байгалийн зураг авах дуртай. Өнгө, өнцөг нь тун онцгой байдаг гэж шүтэн бишрэгчид нь ярьдаг. Мөн ном унших дуртай. Гэртээ том номын сантай бөгөөд Туркийн төдийгүй дэлхийн алдартай сонгодог зохиолуудыг ч шимтэн уншдаг ажээ.
2012 онд L"Oreal брэндийн нүүр царайгаар ажиллаж байсан. 2016 онд "Mother" киноны гол дүрд тоглосон бөгөөд Melek хэмээх 7 настай охины багш /ээж/ Zeynep - ын дүрийг бүтээгээд байгаа юм.
Түүний фото зургуудаас
Сэтгэгдэл:
Таны IP: (216.73.217.103)
АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
