Мед Эстетика арьс гоо заслын эмнэлгийн их эмч Л.Байгальмаа: Арьсны хачиг эрүүл арьсанд шинжилгээ хийхэд ч илэрдэг

Арьс бол дотор эрхтэн, эрүүл мэндийн толь гэдэг. Хүний эд эс бүхэн амьтай, хоорондоо маш нарийн холбоотой учраас сайхан арьстай болохын тулд эрүүл байх нь юу юунаас илүү чухал юм. Бүсгүй та аль үнэтэй, сайн гэсэн гоо сайханы бүтээгдэхүүн авч хэрэглээд үр дүнд хүрэхгүй байна уу? Тэгвэл зарим тохиолдолд буруу хооллолтоос үүдэлтэй элдэв бактерийн хэмжээ нэмэгдсэнээс хүний бие дэх бодисын солилцоо алдагдаж, арьс гунддаг байна. Мөн арьсаа буруу арчилсанаас болж арьсны ямар нэгэн эмгэг үүсдэг аж. Тиймээс эдгээр тулгамдаж байгаа арьс, гоо сайханы асуудлаа шийдэхэд тань тус болохуйц үүднээс Мед Эстетика арьс гоо заслын эмнэлгийн их эмч  Л.Байгальмаагийн ярилцлагыг хүргэж байна.

-Сайн байна уу? Хоёулаа яриагаа арьсны талаарх ойлголтоос эхлэе?
Сайн байна уу. Манай улсын хувьд эрс тэс уур амьсгалтай учраас ялангуяа хаврын улиралд нүүр чийгээ алдаж их гунддаг. Тиймээс нүүрэндээ анхаарал хандуулж зөв арчлах хэрэгтэй. Манай эмэгтэйчүүдийн дунд нэг буруу ойлголт байдаг. Нүүрээ савандаж угааснаар бохирдол арилах биш харин ч эсрэгээрээ янз бүрийн үрэвсэл, шарх үүсэхэд хүргэдэг. Бидний нүүрний арьсанд ус чийг хэрэгтэй учраас нүүрээ чийгшүүлэгч тоник, тосоор цэвэрлэж занших нь  үр дүнтэй юм.
-Арьсны хачиг гэж юу вэ.  Үүнээс хэрхэн сэргийлэх вэ?
Арьсны демодекс хачиг гэдэг нь хүний арьсанд шимэгчлэн амьдардаг хачиг юм. Тосны булчирхайд амьдардгийг нь demodex folliculorum гэдэг, demodex brevis гэж бас бий энэ нь сормуусны уутанцарт амьдардаг. Нэг ёсондоо хүний арьснаас ялгаран гарч буй тос гуужсан арьсаар хооллодог гэсэн үг. Зарим судлаачид нь үүнийг хүний арьсны 1см2 талбайд 1-2 байх ёстой гэж үздэг. Харин зарим нь огт байх ёсгүй гэж үздэг. Гэвч яг тогтоогдсон зүйл байхгүй. Харин эрүүл арьсанд шинжилгээ хийхэд энэ хачиг илэрдэг байна. Тэгэхээр энэ нь эмгэг үүсгэлгүйгээр хүний арьсанд шимэгчлэн амьдрах чадвартай гэж хэлж болох юм.

Шөнийн цагаар бие гүйцсэн демодекс хачигнууд арьсны тосны булчирхайн сувгаар дамжин арьсны гадарга руу гарч арьсны гадаргуу дээгүүр явдаг. Ингэснээр хамт унтаж буй хүндээ халдварлах магадлалтай юм байна. Ер нь демодекс хачиг илрүүлэх шинжилгээ өгөх хэрэгтэй. Харин шинжилгээ өгөхийн өмнө нүүрээ савандаж угаах, спиртэн уусмалаар арьсаа цэвэрлэх, гоо сайхны бүтээгдэхүүн хэрэглэх, шинжилгээ өгөх гэж байгаа хэсгийн арьсандаа эмчилгээ хийлгэх зэрэг нь демодекс хачигны илрүүлэлтийг алдаатай гаргаж болох эрсдэлтэй байдаг.
-Оношилгоог хэрхэн хийлгэх вэ?
Манай эмнэлэг энэ төрлийн оношилгоог хийж байна. Ерөнхийдөө арьс өвчилсөн тохиолдолд эрт оношлуулах хэрэгтэй. Ингэснээр элдэв бохирдол нян шимэгч хорхой үүсэхээс сэргийлэн эмчлүүлэх нь үр дүнтэй юм.

-Хаврын улиралд үрэвсэл батга үүсэх нь ихэсдэг гэж үнэн үү? Батгаа цэвэрлүүлж шахуулах нь хэр үр дүнтэй вэ?
Хавар салхи, шороо ихтэй байдаг учраас нүүр ихээр бохирддог. Тиймээс нүүрээ дутуу цэвэрлэх, буруу арчилсаны үр дүнд батга, үрэвсэл үүсдэг. Батгыг цэвэрлүүлэх нь муу биш ч зөв, эрүүл ахуйн шаардлага хангасан цэвэр орчинд цэвэрлүүлэх нь чухал. Харин арьсны гүнд бохирдсон батгыг тусгай эмчилгээ хийдэг. Зарим хүний арьс нүхтэй юм шиг болсон байдаг. Энэ нь батгаа шахуулаад эргээд эмчилгээ хийлгээгүйгээс нүх үүсдэг. Эсвэл батга нь арьсныхаа гүн рүү бохирдож идээт үрэвсэл үүссэнээс болдог л доо.
-Сүүлийн үед манай охид, залуусын дунд арьсны ямар эмгэг илүүтэй илэрч байна вэ?
Сүүлийн үед бол батга, сорви арилгуулах эмчилгээ их хийлгэж байна. Ялангуяа охидууд сорви арилгуулах болсон байна. Манай эмнэлэг ерөнхийдөө сорвины эмчилгээг түлхүү  хийж байгаа. Мөн батганы сорвыг мэсийн бус аргаар хийдэг.
Батга нь хамгийн элбэг тохиолддог арьсны эмгэг өөрчлөлтийн нэг юм. Үндсэн шалтгаан нь арьсны дотор байх үй олон тосны булчирхайн үйл ажиллагаа өөрчлөгдсөнөөс болж тос ихээр хуримтлагдан саатсантай холбоотой. Эсвэл нэгэнт тос нэг гэзэрт ийн бөөгнөрснөөс болон тэр хэсэгт гүвдрүү үүсэхийг батга гэж ойлгож болно. Гэхдээ арьсан дээр их халууцсан, хөлөрснөөс шалтгаадан жижигхэн идээт гүвдрүү гарах бол батга биш. Батга гарсан ч гэлээ ариун цэвэр сайн сахиж, угааж цэвэрлэн, зориулалтын тос хэрэглэх зэргээр арчилж чадвал гаднаас халдвар орохгүй намжаах боломжтой. Ингэж чадаагүй, эсвэл хамаагүй шахаж оролдсоноос гадны халдвар орон идээлж буглах нь цөөнгүй байдаг.

-Нүүрний чийг хэрхэн алдагддаг вэ. Үүнийг хэрхэн нөхөж болох вэ?
Хүний арьс ерөнхийдөө тослог байж л ус чийгээ тэнцвэржүүлдэг. Тэгэхээр эхний ээлжинд нүүрээ савангаар биш тос, зориулалтын тоник цэвэрлэгчээр цэвэрлэх. Арьсыг хамгаалах  үндсэн зорилго нь чийгшлийг хадгалах юм. Арьс бохирдсоноос батгашилт,  эмзэг мэдрэмтгий арьс , үрчлээ атираа зэрэг үүсдэг. Мөн чийг дутагдсанаас   арьсны  эвэрлэг давхарга  нимгэрч, өнгөн талаасаа  чийглэг байдал нь алдагдаж бодисын солилцоо идэвхигүй болдог. Тиймээс арьсандаа тохирох тос цэвэрлэгч хэрэглэж, арьсаа хамгаалах хэрэгтэй. Хавар ихээр борлох хандлагатай байдаг учир тодорхой хэмжээний нарны тосыг хэрэглээрэй.

-Залуу охидууд нүүрээ эрт будах нь хэр эрсдэлтэй вэ?
Манай охидууд нүүрээ эрт будах болсоныг хүн бүр л ярьж л байна л даа. Гэхдээ нүүрээ хөнгөхөн будалт хийх нь зөв л дөө. Будлаа гээд сөрөг нөлөө байхгүй. Нүүрээ гадны бохирдлоос хамгаалах нэг арга юм. Харин будсаныхаа хэрээр сайн цэвэрлэх хэрэгтэй. Сүүлийн үед охидуудыг харахад нүүрнийхээ будгыг арилгахгүй унтдаг нэг муу зуршилтай болоод байх шиг. Нүүрээ цэвэрлэх нь хамгийн наад захын асуудал л даа. Тэгэхээр унтах даа заавал нүүрээ цэвэрлэх хэрэгтэй гэдгийг охид бүсгүйчүүдэд зөвлөж байна.

Арьс гоо сайхандаа анхаарал тавьдаг хүн бүрт цэцэн авхай нь Мед Эстетика  арьс гоо заслын эмнэлгийг санал болгож байна.

Хаяг:СБД, 1-р хороо, Энхтайваны өргөн чөлөө, (1-р төрөхийн хашаан дотор 2 давхар улбар шар байшин) УБ

Утас: 9918-8596, 9665-7138, 31-33-19