Гамшиг судлалын хүрээлэнгийн анхны эмэгтэй доктор Д.Сэржмядаг

ОБЕГ-ын дэргэдэх Гамшиг судлалын хүрээлэнгийн эрдэм шинжилгээний ахлах ажилтан, онцгой байдлын ахмад, Удирдлагын академийн докторант Д.Сэржмядаг “Гамшгаас хамгаалах менежментийн тогтолцооны өнөөгийн байдал, хөгжлийн хандлага” сэдвээр удирдахуйн ухаанаар докторын зэрэг хамгаалжээ.

Мөн Д.Сэржмядаг нь Гамшгаас хамгаалах салбартаа хамгийн анхны эмэгтэй доктор (Ph.D) болж байгаа юм. Түүний эрдэм шинжилгээний ажлыг шинжлэх ухааны доктор (Sc.D) профессор Ш.Батсүх удирджээ. Тэрээр доктор (Ph.D) зэрэг хамгаалсан бүтээлээрээ Олон улсын гамшгаас хамгаалах менежментийн хөгжлийн чиг хандлагыг судалж, Монгол Улсын гамшгаас хамгаалах менежментийн тогтолцооны өнөөгийн байдалд дүн шинжилгээ хийж, хөгжлийн хандлагыг тодорхойлоход чиглэсэн санал, зөвлөмж боловсруулсан байна.