Дуучин А.Түмэн-Өлзий фенүүдийнхээ дунд уралдаан зарлалаа

“Хайр ирнэ” нэртэй анхны цомгоо “дүүтэй” болгож “Сэтгэлийн толь” хэмээх хоёр дахь бие даасан цомгоороо бэлэг барьсан дуучин А.Түмэн-Өлзий олон зүйлийг төлөвлөж яваа гэнэ. Өвөрмонголын уран бүтээлчид түүнд “хайр зарлан”, хамтарч ажиллах санал “бөөндөх” болсон тул дуучин бүсгүй саяхан тус орныг зориод иржээ. Үүнээс гадна тэрбээр аавын тухай болон хайрын сэдэвтэй хоёр ч дуу шинээр гаргасан бөгөөд клипний ажилд санаа тавьж, ойрын хугацаанд үзэгч сонсогчдын хүртээл болгохоор шамдаж яваа гэнэ.

Харин ирэх сард зохион байгуулахаар зэхэж байгаа анхны бие даасан тоглолтынхоо сюрприз болгон Л.Болдбаатартай хамт “Баясгалантай сайхан” дууг дуулжээ. Тэд өмнө нь нэлээд хэдэн дуу хамтарч дуулсан төдийгүй бүр цомог хүртэл гаргасан гэдэг юм билээ. Хамгийн сонирхолтой нь, уртын дуучин бүсгүй маань “А.Түмэн-Өлзийгийн дууг хэн сайн дуулах вэ” хэмээх өөрийн нэрэмжит уралдааныг фэнүүдийнхээ дунд зохион байгуулах болсноо зарлалаа.