Солонгосд төөрсөн Монгол охиныг гэрт нь хүргэж өгчээ

Өчигдөр өглөөний 09.40 цагийн орчим Солонгосын Гуангжү хотын Гунгжиам дүүрэгт нэгэн гадаадын иргэн төөрсөн байдалтай явж байгаа тухай мэдээллийг оршин суугчид нь өгчээ. Охин нь 9980-аар эхэлсэн 8 оронтой тоог цаасан дээр бичиж үзүүлсэн төдийгүй үл ойлгогдох гадаад хэлээр ярьж байсан тул Гунгжиам дүүргийн цагдаагийн ажилтнууд түүнд смарт утсан дээрээсээ олон орны төрийн далбааг үзүүлсэн ба тэрээр Монгол улсын далбааг заасан ажээ.

Тус дүүрэгт оршин суудаг нэгэн Монгол иргэнийг дуудан авчирч төөрсөн охины өгсөн утсаар Монгол уруу утасдуулснаар, 15 настай Монгол охин С нь сэтгэцийн өвчтэй бөгөөд Солонгост байгаа эгч дээрээ эмчлүүлэхээр 1 сарын өмнө ирсэн бөгөөд эгчийгээ түр гарсан хойгуур гэрээсээ гаран төөрч явсан нь энэ ажээ.