Кегелийн дасгалыг хэрхэн хийх вэ?

Аарцгийн доод хана болон үтрээний булчин чангаруулах дасгалыг тогтмол, өдөрт хэд хэдэн удаа хийх ба багадаа 3 сарын хугацаагаар үргэлжлүүлэх хэрэгтэй. Хэрвээ та өөрийн нууц хэсгээ байнгын чанга тонустай байлгахыг хүсвэл аарцгийн булчингийн дасгалуудыг цаашид ч үргэлжлүүлэн хийх хэрэгтэй болно.




Аарцгийн доод хана чанга байх нь давсаг сулралыг арилгах болон бэлгийн амьдралд тань сайн нөлөөтэй.

Аарцгийн доод булчингийн дасгалыг хийх зааварчилгаа
1.    Эхлээд чангаруулах шаардлагатай байгаа булчингаа зөв олж тодорхойлох, үүний тулд шээх үедээ шээсний урсгалаа зогсоогоод, дахин шээх гэх маягаар үргэлжлүүлнэ.
2.    Булчингаа зөв тодорхойлчихвол, дасгалын хэсэг рүү шилжиж орох хэрэгтэй ба үүний тулд дасгалыг ямар ч хэлбэрийн суугаа байрлалд хийж болно. Зурагт үзэж байхдаа хүртэл хийж болно. Чангалаад удаанаар тав тоолоод, дараа нь суллана. Аль болох боломжоороо давтан олон хийгээрэй – хоногт хамгийн багадаа 30удаа.


3.     Дараа нь үтрээ, шулуун гэдсийг тойроод байрлах арын булчингийн дасгал руу шилжинэ. Шулуун гэдэсний хий эсвэл өтгөн гарахыг зогсоох гэж байгаа мэт булчингуудаа шахна. Дээрхийн адилаар, чангалаад, суллаад байна.
4.    Дээрх хоёр дасгалыг хавсран хийх үе. Эхлээд нэг дасгалыг нь, дараа нь нөгөөг нь, эцэст нь хоёуланг нь хавсран хийх зуршилтай болох.
 
ААРЦГИЙН БУЛЧИН ЧАНГАЛАХ КЕГЕЛИЙН ДАСГАЛ

Аарцаг орчмын дасгал нь шээсний урсгалыг зогсоодог булчин болох ахар сүүлний булчинг чангалах дээр үндэслэгддэг.

Энэ дасгалыг хийхдээ хурдан болон удаан хийх бөгөөд энэ нь өөрийн булчингаа чангалах мэдрэмжээр хийдэг.
Хэрвээ та тухайн булчингаа чангалж чаддаг болсон бол чангалсан чигээр нь 10 сек орчим бариад суллах хэрэгтэй (дараа нь 3-4сек сулална). Эхлээд таван удаа хийж эхлээд тоог нь наймаас 12 болтол нь нэмэгдүүлнэ. Огцом болон түргэн чангалах нь сөрөг нөлөөтэй. Иймээс аажим аажмаар суллахыг зөвлөж байна. Дахиад таваар эхлээд 10 хүртэл ихэсгэнэ. Хийх болгондоо та тоог нь ихэсгэхийг хичээх хэрэгтэй.



Хэрвээ аарцаг орчмын дасгалыг өдөрт 3 удаа хийсэн ч ачааллын шээс задгайралтын шинж тэмдэг илрээд байгаа бол аарцагны булчин суларсны дохио юм. Энэ нь урт хугацааны хичээл зүтгэлээр сайжирдаг. (1-2 сар) Аарцагийн булчинг бат бөх болгохын тулд сэтгэлийн тэнхээтай байх хэрэгтэй. Эмч нар болон Ардын Уламжлалт эмчилгээний мэргэжилтнүүд зөвлөхдөө бүх насны эмэгтэйчүүд энэ дасгалыг тогтмол хийхийг зөвлөж байна. Мөн түүнчлэн бусад бүх бүлгийн булчинтай адил биеийнхээ бүх булчинг зөв хэлбэрт оруулах – хүн болгон аарцаг орчмын булчингийн дасгалыг хүүхэд наснаас эхлээд насжих хүртлээ хийх хэрэгтэйг бас дахин сануулж байна.