Эгдүү хүргэм Монгол үрс

Хайр татам, хамгийн цагаахан ариухан тэр л ертөнц бол хүүхдийн ертөнц...

Хүү минь

Зүрх залуужуулсан зориг
Зовлонг нимгэлсэн жаргал минь
Голомт залгасан гал
Гараас хөтөлсөн гайхамшиг минь
Амьдралын үргэлжлэл ирээдүй
Алдрыг дуурсгах ангаахай минь
Энэ биений тасархай
Инээд бэлэглэсэн алиахан минь

Охин минь

Найган ганхах цэцэг
Намайг дуурайсан нахиа минь
Оройлон цойлох согоо
Од гаригийн мөрөөдөл минь
Үнсэх уруулын бурам
Үзүүрсгэн дээлний сэжүүрхэн минь
Хайрыг хөгжөөх хөгжим
Хөл хучих сэгсүүрэгхэн минь
Хүрч чадахгүй оргил бий шүү
Хүчээ тэнцүүлээд тэмүүлээрэй
Хүсч зориогүй жаргал бий шүү
Жолоогоо тааруулаад татаарай
Эрүүл энх өсөж
Эрдэм номоор бялхаж
Ээж ааваа баярлуулаарай

ШҮЛЭГ М.ХҮРЭЛСҮХ