ЭНЭМҮТ-д 3 ихэр охин төрүүлсэн бүсгүй нутаг буцах зардалгүй сайхан сэтгэлт хүмүүсээс тусламж хүсч байна

Хэдхэн хоногийн өмнө ЭНЭМҮТ-ийн Нярайн тасагт Ундармаа гэх энэ бүсгүй 3 ихэр охин төрүүлж амаржсан байна. Гэвч тэрээр нутаг буцах зардалгүй тул одоог хүртэл Эх нялхсын эрүүл мэндийн үндэсний төвд хэвтэж байгаа аж. Ундармаа нь Хөвсгөл аймгийн Мөрөн суманд гурван хүүхдийн хамт амьдардаг өрх толгойлсон эмэгтэй юм байна. Энэ удаа төрүүлсэн гурван ихрээсээ гадна том хүү нь 3 настай, удаах нь 2 настай ихэр хүүхэдтэй ажээ. Тэрээр нутагтаа ах дүү хамаатан гэх айл байхгүй нас өндөр гарсан ээжтэйгээ, хүүхдүүдтэйгээ хамт амьдардаг байсан гэнэ. Хамгийн хэцүү нь Ундармаа бүсгүй өөрөө хөгжлийн бэрхшээлтэй юм.


Иймээс ЭНЭМҮТ-ийн Нярай судлалын тасгийн эмч нар Ундармаа бүсгүйд туслахыг хүсэн Хөвсгөл аймгийн залуучуудад болон сайхан сэтгэлт Монголчуудаасаа тусламж хүсчээ.

Сайн байна уу Хөвсгөлийн залуусаа. ЭНЭМҮТ-ийн Нярай судлалын тасгийн эмч нараас та нарт хандаж байна. Манай тасагт Хөвсгөлөөс ирсэн Ундармаа 27 настай эх 3 ихэр хүүхэд 2200г охин, 2600г охин, 2800г охин төрүүлсэн юм.

Өмнө нь 2010 онд 1 хүүхэд, 2012 онд 2 ихэр хүүхэд одоо 3 ихэр гээд 6 хүүхэдтэй болсон. Одоо 3 ихэр хүүхэд нь манай тасагт эмчлэгдэж байгаа. Хүүхдүүдийн биеийн байдал харьцангуй сайн байгаа. Хотод таних ах дүү хамаатан садан байхгүй, нэн ядуу ээж тул залуусаа та нар боломжоороо туслаачээ.