Ж.Бибер, С.Гомез нар эргэн нийлжээ

Сүр дуулиантайхан салж, хэвлэлийн бай болж байсан залуу дуучин Жастин Бибер, Селена Гомез хоёр эргэн нийлсэн талаар И! Ньюс мэдээллээ.



Тэд өнгөрсөн даваа гарагт нэгэн найзынхаа төрсөн өдөрт оролцохдоо хамтдаа ирсэн бөгөөд их л дотно байж харагдсан байна. Хамгийн сонирхолтой нь алдарт залуус эв эеэ олж, дахин хос болох гэж буй талаараа ярьжээ.



Ж.Биберийн ойрын хүрээний хүмүүс ч гэсэн түүнийг С.Гомезд хичнээн хайртай талаар байнга ярьдаг тухай ч хэвлэлийнхэнд мэдүүлсэн байна.



Харин тэдний хамтдаа явж харагдахын урьд өдөр Канадын залуу дуучин хайртай бүсгүйтэйгээ хамт байгаа зургийг Инстаграмдаа нийтэлсэн боловч төд удалгүй устгасан талаар TMZ сайт мэдээллээ. Ямартай ч залуу хос эргэн нийлж байгаа нь баттай болсон ч дахиад хэр удах бол?