Миллер багшийн турсан түүх

2014-09-08

Сурагчдынхаа нүдэн дээр сандалтайгаа нурж унасан багш яаж ч байсан турахаар шийджээ. Тэрбээр санасандаа хүрэв. Нэг жил хүрэхгүй хугацаанд багш эмэгтэй 35 килограмм жин хаясан байна.

Английн нэгэн дунд сургуулийн бага ангийн багш 23 настай Люси Миллер гэдэг бүсгүй тэр өдрийг амьдралынхаа хамгийн шившигтэй өдрөөр нэрлэсэн аж. 110 килограмм жинтэй бүсгүй сандал дээр суутал хөл нь хугарч унажээ. Багш эмэгтэй сандалтайгаа нурж унаснаар шавь нарынхаа хөх инээдийг хүргэсэн гэнэ. Ийм гутамшигтай байдалд орсон бүсгүй эрс зоримог шийдвэр гаргав. Маш богино хугацаанд турахаар шийдсэн байна.

“Би түүн шиг байдалд хэзээ ч орж байсангүй. Газар уначихаад хүүхдүүд маань доромж үг ярьж байхыг сонсож хэвтсэн. Ийм өрөвдөлтэй байдалд ороод л би өөртөө анхаарал хандуулах ёстой гэдгээ ойлгосон. Би босож зогсоод юу ч болоогүй юм шиг хичээлээ үргэлжлүүлсэн билээ. Гэхдээ тэр өдөр би амьдралаа бүрэн өөрчлөх бодолтойгоор гэртээ харьсан юм” хэмээн багш бүсгүй дурсан ярив.

Люси хоолны дэглэм барьж, хөдөлгөөнд оршсоноор нэг жил хүрэхгүй хугацаанд 35 килограмм жин хаяж чаджээ.

Сэтгэгдэл:

Таны IP: (216.73.217.103)

АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.