“Urban Outfitters” шинэ коллекци шүүмжлэл дагууллаа

Үргэлж этгээд, гаж утга бүхий бичиг, зурагтай хувцас үйлдвэрлэдэг “Urban Outfitters” энэ удаа олны дургүйцлийг ихээхэн хүргэжээ.

Цусны толбо болсон мэт зурагтай, Кэнт их сургуулийн нэрийг бичсэн цамц үйлдвэрлэсэн явдал нь 1970 онд Вьетнамын дайныг эсэргүүцэн хөдөлгөөн хийж байсан 4 оюутны амийг авч одсон аймшигт хэргийг санагдуулсан хэмээн олон нийт эгдүүцэж, Хаффингтон Постоор дамжуулан дүргүйцлээ илэрхийлсэн байна.

Хэсэг хугацааны дараа тус компанийн зүгээс туйлаас харамсаж байгаагаа илэрхийлэн, уучлалт хүссэн мэдэгдэл хийжээ.