Пирсинг хийлгэхэд анхаарал зүйлс

    Орчин үед охид залуус маань шивээс, пирсинг хийлгэхийг ихээр сонирхох болжээ. Тэгвэл пирсинг хийлгэхдээ юуг анхаарах талаар мэдээллийг хүргэе. 

    Биеийн аль нэг хэсэгт зориулалтынаж хэрэгслээр  зүсэлт хийлгэж, гархи бусад, гоёлын зүйлсээр чимэглэхийг пирсинг гэдэг шүү дээ.  Биен дээрх гялалзсан чимэглэл нь анхааралт татахаас гадна дур булаам харагдуулдаг. Гэхдээ пирсинг нь маш эрсдэлтэй тул ихээхэн болгоомжлол шаарддаг байна.  Арьсыг цоолохдоо зориулалтын эмнэлгийн багажаар зүсэлт хийж, эдгэтэл нь гархи зүүдэг. Ингэснээр зүсэгдсэн арьс хоорондоо нийлэлгүй, зүүлтээр тусгаарлагдаж эдгэдэг аж. Биеийн аль хэсэгт цоолсоноос шалтгаалж, эдгэрэлт нь харилцан адилгүй байдаг агаад хамар, хэлний цоололт хүйснийхээс харьцангуй удаан эдгэдэг байна. Учир нь гэдэсний арьсны эдийн төлжилт удаан явагддагаас хагас жил орчим хугацаа шаарддаг гэнэ. Зүсэлтийг хийхдээ хэмжээг сайн тооцоолох хэрэгтэй. Хэтэрхий бага зүсэлт хийвэл буцаад нийлж анихад хүрдэг. Мөн буруу зүсэлт хийгдсэнээс болж ялангуяа хөмсөг цоолоход мэдрэлд цочрол өгч болзошгүй юм. Иймээс гоо сайхны төгс үйлчилгээ хийлгэхийн тулд дараах зүйлүүдийг анхаараарай.  

    Юуны түрүүнд гоо сайхны газар нь эрүүл ахуйн дээд зэргийн шаардлага хангасан, зориулалтын байранд үйлчилгээ явуулдаг эсэх, нэг удаагийн багаж, бээлий, боолт хэрэглэдэг эсэхийг сайн нягтлах хэрэгтэй шүү. Учир энэ бүгдээс танд хийх пирсингийн үр дүн ихээхэн хамаарах юм. Мэргэжлийн гоо засалчид пирсинг хийхийн өмнө үзлэг хийж, гарч болох бүхий л хүндрэлүүдийг урьдчилан анхааруулж өгдөг ёстой.