Сонгодог бүжгийн “Nomadic kids” анхдугаар уралдаан энэ сарын 20, 22-нд болох гэж байна. Тус уралдааныг Улсын дуурь бүжгийн эрдмийн театр, “Nomadic Ballet Production”-тай хамтран сонгодог бүжгийг түгээн дэлгэрүүлэх, ирээдүйн бүжигчид болон үзэгчдийг бэлдэх зорилгоор зохион байгуулж байгаа аж. Уг уралдаанд сонгодог бүжгээр хичээллэдэг 5-18 насны мэргэжлийн болон сонирхогчид оролцох боломжтой юм байна. Оролцогчид 5-7, 8-10, 11-16, 19-15, 16-18 насны ангилалд энэ сарын 15-ныг хүртэл бүртгүүлэх гэнэ. Анхдугаар уралдаан нь хоёр үе шаттай явагдах бөгөөд зохион байгуулах комиссоос өгсөн 10 вариацаас нэг шатанд нэгийг сонгож үзүүлнэ. Харин 5-7 насны оролцогчид нэг, хоёрдугаар шатандаа ижил үзүүлбэр үзүүлж болох гэнэ.