М.Анхцэцэг ахин алтан медаль эх орондоо авчирлаа

2016-11-18

Хэдхэн хоногийн өмнө хүндийн өргөлтийн Азийн аваргаас алтан медалийг эх орондоо авчирсан Мөнхжанцангийн Анхцэцэг нь Мексикийн Мериад хотноо болж буй оюутны Дэлхийн аврага шалгаруулах тэмцээнд тэргүүн байр эзэллээ. М.Анхцэцэг огцомоор 105 кг, түлхэлтээр 130 кг нийлбэр дүнгээр 235 кг-ыг амжилттай өргөсөн юм. Мөнгө болон хүрэл медалийг Мексик, Канадын тамирчид хүртлээ.

Огцом өргөлтийн сүүлийн оролдлогоор 136 кг-ыг захиалсан боловч бага зэрэг алдаа гаргаж гартаа гэмтэл авсан байна. Энэ удаагийн тэмцээнд мөн л дасгалжуулагчгүй оролцсон юм.

Хэдийгээр дасгалжуулагчгүй оролцсон ч олон улсын чанартай тив, дэлхийн тэмцээнээс 2 алтыг медалийг авчирч, эх орныхоо төрийн дуулалыг дэлхийн дэвжээнд эгшиглүүлсэн М.Анхцэцэгтээ баяр хүргэе.

Сэтгэгдэл:

Таны IP: (216.73.217.103)

АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.