Олимпийн медаль хүртсэн тамирчдаа BMW машин бэлэглэжээ

ОХУ-ын Ерөнхийлөгч В.Путин олимпийн медаль хүртсэн тамирчдыг хүлээн авч, “Найрамдал”, “Эх орны төлөө” одон медалиар шагнасан бол ОХУ-ын Ерөнхий сайд Дмитрий Медведев  BMW маркийн авто машин бэлэглэсэн байна.  Алтан медаль хүртсэн тамирчдад BMW X6 , мөнгөн медальтнууд  BMW X5, хүрэл медальтнууд BMW X4 машины түлхүүрийг гардуулсан бөгөөд дасгалжуулагч, багш нарыг мөн адил шагнасан юм. Оросууд “Пёнчан 2018” өвлийн олимпоос нийт 17 медаль хүртсэнээс 2 алт, 6 мөнгө, 9 хүрэл медалийг эх орондоо авчирсан байна. 

Оросын уран гулгалтын тамирчид болох Алина Загитова, Евгения Медведева нар нь дэлхийг шуугиулж чадсан. Хоёулаа дэлхийн дээд амжилт эвдэж, хэн нь алтан медалийг хүртэх вэ гэсэн асуулт таван тивийн үзэгчдийн дунд хүлээлт үүсгэж чадсан, хамгийн үзүүштэй, гайхалтай үзүүлбэр болсон юм. Уран гулгалтын талбайд хамгийн хүчтэй өрсөлдөгч орон гэдгээ энэ олимпоор батлан харууллаа.