МNB - Үрдээ бичсэн захидал

МҮОНТ –ийн  Уран бүтээлийн 6-р нэгдлээс “Ижийдээ захидал бичээрэй” шилдэг захидал шалгаруулах улсын 5-р уралдааныг  энэ жил “Үрдээ бичсэн  захидал”  нэртэйгээр зохион байгуулж байна.  Энэ хорвоогийн ачлал төгс ижий та хайрт үрдээ хэлж амжаагүй  чин сэтгэлийн  үгсээ захидал болгон “МҮОНРТ-н Уран бүтээлийн 6-р нэгдэлд”гэж хаяглан ирүүлээрэй.  Үрдээ бичсэн захидлыг  3-р сарын 3ны 18 цаг хүртэл хүлээн авах бөгөөд  Шилдэг захидал 1 сая төгрөг, 2-р байр 500 мянган төгрөг, 3-р байр 300 мянган төгрөг болон Тусгай байрыг  шалгаруулж, шилдэг 100 захидлын хамт ном болгон хэвлэх юм. Шилдэг захидал шалгаруулах хүндэтгэлийн ёслол 2013 оны 3-р сарын 6-нд Тусгаар тогтнолын ордонд 15 цагаас болно.


 Шилдэг 10 захидлыг МҮОНРТ-ийн нэвтрүүлэгч болон жүжигчид уншиж үзэгчдэд хүргэхийн зэрэгцээ хүндэтгэлийн тоглолтонд АЖ Долгор, МУГЖ Далантай,  Болормаа, Бүрнээбаяр, Эрдэнэбат болон СТА Оюумаа, Дэлгэрмаа Төрмандах, Дэлгэрмөрөн болон дуучин 3 бүдүүн, Эрдэнэбаяр зэрэг уран бүтээлчид оролцож ээжүүддээ ая дуугаа өргөн барина. Тоглолтын тасалбар 2012 оны шилдэг 100 захидлын дээжээр бүтээгдсэн номтой хамт танд хүрнэ.
“Үрдээ бичсэн эхийн захидал”  шилдэг захидал шалгаруулах уралдааны ивээн тэтгэгчээр эрүүл амьдралын зөв хэрэглээ Хужирт байгалийн эрдэст ус болон Интерпресс компани хамтран зохион байгуулж байна.
Уралдаанд Монгол орны 4 зүг 8 зовхисоос олон ээжүүд охиндоо, хүүдээ чин сэтгэлийн захидал бичиж байгаа бөгөөд МҮОНТВ-ийн Өглөө хөтөлбөр болон Гэрэлтэй цонх хөтөлбөөр өдөр бүр ирсэн захидлаас дээжлэн хүргэж байгаа юм. Мөн уралдаанд ирсэн захидлуудыг манай сайт албан ёсны эрхтэйгээр өдөр бүр нийтлэх болно.