Эверистийн оргилд гарсан анхны эмэгтэй уулчин K-2 оргилыг эзэлнэ

Эверистийн оргилд гарсан анхны эмэгтэй уулчин Б.Гангаамаа ээлжит авиралтаа эхлүүлэхээр болжээ. Тэрээр бэлтгэлээ  базааж эхэлсэн бөгөөд энэ удаад өндрөөрөө  дэлхийд хоёрдугаарт бичигддэг K-2 оргилыг эзлэхээр сэтгэл шулуудсан байна. Б.Гангаамаа  тавдугаар сарын 5-25-нд Пакистанд бэлтгэл базаах аж.

Түүнчлэн Пакистан улсын газар нутагт орших 8611 метр өндөр К-2 оргил өндрийн хэмжээгээр Эверестийг гүйцэхгүй ч эрсдэлтэй оргилуудын нэгт тооцогддог юм байна.  Мөн дэлхийн хаан оргил ч гэдэг, зарим тохиолдолд үхлийн уул ч хэмээгддэг энэ оргилыг эзэлсэн хүн дэлхийн түүхэнд 300-гаас хол давдаггүй ажээ.

Дашрамд дурьдахад Б.Гангаамаа ууланд авирах хамгийн тохиромжтой хугацаа буюу зургадугаар сарын 10-наас авиралтаа эхлүүлэхээр болсон байна. Олон улсын уулчидтай хамтран авирах  хэдий ч хөтөчгүй бие даан авирна гэдгээрээ бусдаас давуу ажээ. Гавьяат тамирчины энэ удаагийн авиралт  70 хоног үргэлжлэх юм байна.

Бүсгүйчүүдээ Монголынхоо нэрийг оргилд гаргаж яваа уулчин бүсгүйдээ бүгдээрээ баяр хүргье.