Дур булаам инээмсэглэлийн нууц-Цасан цагаан
Бүсгүй таны дур булаам инээмсэглэлийг үргэлж чимж байдаг шүдээ цасан цагаан хэвээр хадгалахад тань туслах аминчхан зөвлөгөөг хүргэе. Энгийн бөгөөд үр дүнтэй дараах хэдэн зөвлөгөөг хэрэгжүүлээд нэг үзээрэй.
Цай , кофегоо аль болох сүүтэй ууж хэрэглэ. Энэ нь таны шүдийг толботон өнгөртөж , харлахаас бага ч гэсэн сэргийлэх болно.
Хэт халуун хүйтэн зүйлс уухаас зайлсхий. Хэт халуун хүйтэн зүйлс нь таны шүдний пааланг гэмтээж өнгөө алдахад хүргэдэг.
Жимсний жүүснээс татгалз. Жимсний жүүсүүд нь сахар ихтэй байдгаас гадна усан үзэм цангис зэрэг жимсний жүүс нь хүчиллэг бодисыг ихээр агуулдаг учир шүд хорхойтоход хамгийн ихээр нөлөөлдөг байна.Иймд жимсний жүүс уухын оронд жимс идэхийг танд зөвлөе.
Нэрсний төрлийн жимс идсэний дараа шүдээ цэвэрлэ.Учир нь түүнээс үлдсэн хар нь өнгөр тогтоож үлдээх магадлал их байдаг.
Хар өнгийн сүмснээс татгалзах. Шар буурцагны сүмс, шорлог, шарсан махны сүмс зэрэг нь шүдийг өнгөртөж харлуулах нэгэн эх үүсгэвэр болдог бөгөөд өнөөдрөөс эхлээд та аль болох татгалзахыг хичээгээрэй.
Чихэргүй бохь зажлах. Шүдийг тань өнгөртүүлж болзошгүй шингэн зүйлс ууж идсэнийхээ дараа чихэргүй бохь зажилж, шүдээ цэвэрлэж байгаарай.
Энэхүү зөвлөгөөг хэсэг хугацаанд дагахад л таны шүдэнд бодит өөрчлөлтүүд гарч эхлэх болно. Туршаад үзээрэй бүсгүйчүүдээ
