Өнөөдөр олон улсын нөхөрлөлийн өдөр

2014-06-09

Олон улсын нөхөрлөлийн өдөр (International Day of Friendship) бол хуанлид тэмдэглэгдсэн хамгийн залуу баярын нэг юм. НҮБ-ын Ерөнхий Ассамблей энэ өдрийг тэмдэглэх тухай шийдвэрийг 2011 оны дөрөвдүгээр сарын 27-нд 65 дугаар чуулганаасаа гаргасан юм. Аль нэг орны соёлын уламжлалын дагуу энэ өдрийг тэмдэглэж байхыг төрийн байгууллагууд, түүнчилэн олон улсын болон бүс нутгийн байгууллагуудад НҮБ санал болгосон юм. Янз бүрийн ард түмний хооронд найрсаг харилцааг бэхжүүлэх үйл хэрэгт энэ өдөр чухал болохыг НҮБ-ын тогтоолд онцлон тэмдэглэжээ.

“Ард түмэн, улс орон, соёл болон хүмүүсийннөхөрлөл нь энх тайвныг хангах хүч чармайлттавих урам зориг өгч чадахын зэрэгцээсоёлын олон янз байдлыг хүндэтгэдэг нийгмүүдийн хооронд гүүр тавих боломж олгож байна” гэж баримт бичигт дурджээ.

Үүнээс гадна, янз бүрийн соёлыг хүндэтгэлтэй хүлээн авахад чиглэсэн олон нийтийн үйл ажиллагаанд залуучууд, түүний дотор ирээдүйн удирдагчдыг татан оролцуулах нь Олон улсын нөхөрлөлийн өдрийн нэг зорилт юм. Ойр хавийн хүмүүст хүлээцтэй хандаж, найрамдаж нөхөрлөхийг сурталчилахтай холбоотой арга хэмжээг одоо дэлхийн олон оронд жил бүр зохион явуулж байна. Үүнээс хойш Нөхөрлөлийн өдрийн хөтөлбөр ч ийм арга хэмжээний жагсаалтад орж байгаа юм.

НҮБ-ын батласан Олон улсын нөхөрлөлийн өдөр бол ийм төрлийн цорын ганц баяр биш гэдгийг тэмдэглэвэл зохино. Олон улсын найз нөхдийн өдрийг зургаадугаар сарын 9-нд тэмдэглэдэг болжээ.

Сэтгэгдэл:

Таны IP: (216.73.217.103)

АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.