Найз залуугийнхаа гарт харамсалтайгаар амиа алдсан талийгаачийн найз бүсгүй хэргийн зарим баримтуудыг дэлгээлээ

Дөрвөн сар хамт амьдарсан найз залуугийнхаа гарт зэрлэгээр зодуулан нас барсан гэх мэдээлэл олныг цочирдуулаад нэлээдгүй хугацааг үдсэн билээ. Шүүх эмнэлгийн дүгнэлтээр бүсгүйн цөс цоорсон учраас амиа алдсан хэмээн дүгнэлт гаргасан. Гэвч шүүх эмнэлгийн дүгнэлтийг санаатай буруу худал гаргасан хэмээн санал нийлэхгүй байгаагаа талийгаачийн ар гэрийнхэн илэрхийлсэн билээ.



Тэд "Охинд минь задлан шинжилгээ хийх үед охины маань цөс байгаагүй. Тиймээс эмч нарын дүгнэлтийг хүлээн зөвшөөрөхгүй байна. Г.Алтанхүү гэгчид зодуулан амиа алдсан нь тодорхой байхад эмч нар "гадны нөлөөгүй" гэж дүгнэсэн нь Г.Алтанхүүгийн ар гэрийнхнээс авлига авсан байж болзошгүй. Тиймээс шүүх шинжилгээний эмч нарыг АТГ-т шалгуулахаар болсон. Уг хэрэг одоогоор улсын мөрдөн байцаах газрын онц хүнд гэмт хэрэгтэй тэмцэх албанд шалгагдаж байна.

Харин талийгаач дотны бүсгүйдээ Алтанхүү гэх залууд хэрхэн тамлуулан байгаа талаараа мессенжерээр бичсэн баримтыг factnews.mn сайтад нийтэлжээ.

Түүнчлэн Алтанхүү гэгчийн эгч н.Бурмаа талийгаачийн нагац эгчийг болон, хэвлэл мэдээллийн хэрэгслүүдийг “нэр хүндэд халдлаа” хэмээн шүүхэд өгсөн билээ. Манай шүүх прокурорын байгууллага хэргийг үнэнээр шийдэж талийгаачийн ар гэрийхэний сэтгэлийг дэвтээнэ гэдэгт найдаж байна.