Ерөнхийлөгчийг үнссэнийхээ төлөө Иран бүсгүй шийтгүүлэхээр болжээ

2014-05-25

Ираны жүжигчин бүсгүй Лейла Хатами Кандд болж байгаа олон улсын кино наадмын үеэр тус наадмын ерөнхийлөгч Жиля Яковын хүзүүн дээр үнссэнийхээ төлөө 50 ташуурдуулах ялаар шийтгүүлж магадгүй болоод байна. Ираны нэг их сургуулийн оюутнууд жүжигчин бүсгүйг олон нийтийн дунд биеэ зөв авч яваагүй, ираны шашны ёс заншлыг хүндэтгээгүй хэмээн шүүхэд өгчээ.

“Лейла Хатамиг олон нийтийн газарт “бусдын” эрийг үнсч итгэл үнэмшлээ гутаасны нь төлөө шийтгэхийг хүсч байна” хэмээн гомдолд бичсэн байна.

Харин Лейла Хатами энэ дуулинат үнсэлтийнхээ төлөө уучлал гуйгаад олон улсын нэр хүндтэй энэ арга хэмжээг зохион байгуулагчдад би ямагт хүндэтгэлтэй хандаж ирсэн, энэ маань лалын итгэл үнэмшлээ гутаах гэсэн хэрэг биш гэсэн байна. “Өдгөө 90 нас хүрч байгаа Жиля Яков энэ жил Каннын наадамд сүүлийн удаа оролцож байгаа болохоор би түүний насыг нь хүндэтгэж өмнөх дурсамжууудаа ярилцсан юм” гэж тайлбарлажээ. Тэр бас “Тэр миний хувьд өвөө шиг маань л хүн шүү дээ” гэж онцолсон байна.
Оюутнуудын гомдлыг шүүх хүлээн зөвшөөрч Хатамиг буруутай гэж үзвэл 50 ташуурдах ялаар шийтгэх юм байна.

Сэтгэгдэл:

Таны IP: (216.73.217.103)

АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.