Хөөрхөн бяцхан гүнжтэй болсон СТА А.Ганчимэг, дуучин Г.Сүндэрмаа нартаа баяр хүргэе!

“Sweetymotion” хамтлагийн дуучин Г.Сүндэрмаа хөл хүнд зургаа олонд дэлгээд байсан билээ. Тэгвэл саяхны арга хэмжээнд хүрэлцэн ирж ая дуугаа өргөхдөө тус хамтлагийн дуучид хамтдаа ая дуугаа өргөлөө. Харин амаржаад удаагүй байгаа дуучин бүсгүй маш хурдан хугацаанд хэвийн жиндээ оржээ.  Хамтлагийн ахлагч Ц.Сарнай хамтлагаасаа хамгийн түрүүнд гэр бүл зохион охинтой болсон бол удаах ээжээр саярхан амаржсан Сүндэрээ тодорлоо. Ингээд “Sweetymotion” хамтлаг 2 хөөрхөн охинтой болжээ.



Мөн энэ Бямба гаригт Кино урлагийн шилдгүүдийг тодруулах “Academy awards Mongolia 2014” наадамд хүрэлцэн ирсэн хүндтэй зочдын нэг СТА А.Ганчимэг олны анхаарлыг ихэд татаж байлаа. Учир нь жүжигчин бүсгүйг хөл хүнд болсон талаар мэдээлэл цацагдаад байсан.



Тэгвэл “Academy awards Mongolia 2014” наадамд ирсэн СТА А.Ганчимэг амаржиж охинтой болсон талаар ойрын эх сурвалж мэдээлсэн юм. Жүжигчин А.Ганчимэг уг наадмаас шилдэг эмэгтэй туслах дүүрийн шагналыг хүртсэн билээ. Тэрээр амаржаад удаагүй ч Хувьсал продакшны шинэ уран бүтээлийн ажилдаа ханцуй шамлан оржээ. Тун удахгүй "Зүрхээр наадагч" шинэ уран бүтээлийн зураг авалт эхлэх аж.



Ингээд уншигч бүсгүйчүүдийнхээ өмнөөс Г.Сүндэрмаадаа болон СТА А.Ганчимэг хоёртоо хөөрхөн бяцхан гүнжтэй болсонд нь баяр хүргэе. Урлагийн Янжинлхам бурхан ивээх болтугай!