Найруулагч, жүжигчин Б.Навчаад баяр хүргэе!

Өвөрмөц, энгийн хэрнээ гал цогтой, дайчин жүжиглэлтээрээ олонд танигдсан жүжигчин Б.Навчаагийн төрсөн өдөр өнөөдөр тохиож байна. Тэрбээр 1977 оны энэ өдөр хорвоо мэндэлжээ. Олон жил урлагийн гал тогоонд чанагдаагүй ч гэнэт л "цойлоод" ирсэн түүнийг сүүлийн үед бүх л найруулагчид кинондоо тоглуулахыг хүсдэг болсон гэдэг.




Хэцүү амьдрал туулж өдий зэрэгт хүрсэн гэдгээ бусдаас нуудаггүй, харин ч бахархдаг тэрбээр олон сайхан хүчирхэг, сэтгэлийн тэнхээтэй, хатуужилтай, эмэгтэйчүүдийн дүрээр бидний танил болсон. Ингээд үзэгчдийн хайр хүндэтгэлийг хүлээж буй жүжигчин Б.Навчаадаа бүгдээрээ баяр хүргэж, илүү ихийг хийж бүтээх урам зоригийг хайрлацгаая!