Динкачууд гэж хэн бэ?

Динкачууд бол өмнөд Суданы үндэстэн юм. Динкачууд 10 дугаар зуунаас хойш нил мөрний эрэг дагуу амьдарсаар өнөөг хүрчээ. Нило-Сахаран хэлээр ярилдцаг бүлэг хүмүүс юм. Динкачуудын хүн амын тоо нь 3 сая гаруй бөгөөд ойролцоогоор 21 бүлэг байдаг байна.



Тэдний гол амьдрах эх үүсвэр нь мал аж ахуй юм. Хэдийгээр тэд загас агнуурын аж ахуйтай байсан нь одоо алдагдсан байна. Тэдний хоорондын худалдаа наймаа, хөнгөн үйлдвэр нь өдөр ирэх тусам өргөжин тэлсээр байгаа юм.








Гэрэл зурагчид болох  Carol Beckwith, Angela Fisher нар Африкийн өнцөг булан бүрт байх овог аймгуудын талаар 30 гаруй жилийн туршлагатай хүмүүс юм. Тэдний энэхүү цуврал гэрэл зураг нь Динка омгийн ёс заншил, аж ахуй зэргийг тод харуулахыг зорьсон ажээ.






Ёсондоо бол Динка хүмүүс эр эм гэлтгүй олон хувцас өмсөхийг цээрлэдэг байна. Ялангуяа эрчүүд хөл, хүзүү зэрэг биеийн хэсгийг ил гаргах нь чухал гэж үздэг байна. Харин эмэгтэйчүүд биеийн багахан хэсгийг далдалсан хувцас маягтай зүйлийг өмсдөг ажээ. Динкачууд хувцас гэхээсээ илүүтэй гоёл чимэглэлд илүү анхаарал хандуулдаг.








Зарим эрчүүд өөрсдийн хэсэг шүдийг сугалж авснаар илүү сайхан харагдана гэж үздэгийн үүднээс шүдээ авах тохиолдол байдаг бол Динка эмэгтэйчүүд тэр дундаа өсвөр насны охид улаан үстэй байх нь тэдэнд маш сайхан сэтгэгдэл төрүүлдэг гэнэ. Тийм ч учраас динка эмэгтэйчүүд үхрийн шингэн /шээс/ ашиглан үснийхээ өнгийг өөрчилдөг байна. Мөн зарим тохиолдолд хөмсгөө хүртэл бүгдийг нь хусдаг байна.