1.Алимны нухаш нь хүүхдийн биед нэн шаардлагатай витаминуудаар баялаг байдаг ба хүн өдөрт 1ш алим идэх ёстой гэж үздэг байна.
Хоолны орц :
• Алим хүссэн хэмжээгээр
• Цэвэр ус
Хийх арга :
Алимаа хальслаад голыг нь авч цэвэрлэнэ.
Дараа нь зүсч саванд хийгээд буцалгана.
Ус алимыг дөнгөж бүрхэх төдий хэмжээтэй байх ёстой.
Нухаш хийхэд тохиромжтой зөөлөн болтол буцалгасны дараа холигчид хийж хутгаад л бэлэн боллоо.
Бэлэн болсон нухшаа мөс хөлдөөх зориулалтын саванд хийж хөлдөөгөөрэй.
2. Луувангийн нухаш
Орц:
Лууван /хүссэн хэмжээгээр/
Ус
Хийх арга:
Энэ бол манай хүүгийн хамгийн дуртай нухаш. Би өөрөө лууванд дургүй ч
эрүүл мэндэд сайн болохоор хүүдээ идүүлчих юмсан гэж бодож байлаа. Харин
энэ нухшийг хийж өгснөөс хойш идэхгүй байх вий гэж санаа зовних
шаардлагагүй болсон юм.
Хүссэн хэмжээгээрээ луувангаа хальслаад 20-25 минут жигнэнэ. Бэлэн
болсон лууван дээрээ бага зэргийн ус /луувангийн шүүс ч байж болно/
нэмээд холигчоор хутгана. Хүүхэд томрох бүр өөр төрлийн ногоог нэмж хийж
болдог. Бэлэн болсон нухшаа мөс хөлдөөх зориулалтын саванд хийж
хөлдөөгөөд 3 сар хүртэлх хугацаанд хадгалж, хэрэглэж болно.
