Ээжүүдийг 10 насаар залуужуулдаг “ИХ ХАТАД” хүндэтгэлийн цэнгүүн болно

2017-02-13

Монголын Маркетинг Менежмэнтийн хүрээлэнгийн хамт олон хүний дээд, орчлонгийн чимэг болсон ээжүүдээ баярлуулдаг хүндэтгэлийн цэнгүүнээ энэ жил “Их хатад” нэрийн дор зохион байгуулахаар боллоо. Энэ удаагийн цэнгүүнийг Зууны манлай бүжиг дэглээч Ц.Сэвжидийн нэрэмжит “Сэвжид” сан хамтран зохион байгуулж байгаагаараа онцлогтой.

Уг цэнгүүнд урлагийн одод, улстөр, бизнес гээд салбар салбартаа манлайлж яваа эрхмүүдээс эхлээд үр хүүхдүүдээ эрүүл саруул, эрдэм боловсролтой иргэн болгон хүмүүжүүлж, ажил үйлсээрээ олны үлгэр дуурайлал болж яваа эгэл жирийн ээжүүд оролцдог билээ.

Урлагийн оддын нэгдсэн тоглолт үзэж, хөгжөөнт тоглоомуудаар наадаж, хүндэтгэлийн зоог барьж, телевизийн бүрэн хэмжээний нэвтрүүлгийн бичлэгт оролцон нэгэн сайхан оройг өнгөрүүлсэн ээжүүд өмнөх жилийн цэнгүүнээс гарахдаа “Арван насаар залуужууллаа” гэлцэж байсан билээ

Энэ жилийн “Их хатад” хүндэтгэлийн цэнгүүн Олон улсын эмэгтэйчүүдийн эрхийг хамгаалах өдөр буюу гуравдугаар сарын 8-нд Баянгол ресторанд болно.
Холбоо барих утас: 70117557, 91399993, 94052992

Сэтгэгдэл:

Таны IP: (216.73.217.103)

АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.