Хамгийн их үзэгчдийн санал авсан мисс Ю.Балжидмаа

"Mongolia`s Next Top Model" шоу нэвтрүүлгийн шилдэг оролцогчийн нэг Ю.Балжимдаа нь 14 настай байхаасаа загварын ертөнцөд хөл тавьжээ. Анх Өвөрхангайн гоо охин тэмцээнд орж гуравдугаар байрт шалгарах үед нь мисс Ч.Содтуяагийн агентлагт суралцах эрхийн  бичиг бэлэглэсэн нь загварын ертөнцөд  хөл тавих эхлэл болсон гэдэг.

2014 онд "Miss Mongolia" тэмцээнд оролцож тэргүүн мисс болж байсан. Мөн “Монгол туургатны мисс”-т дэд байрын шагнал хүртэж байсан билээ. Одоогоор "Монгол модель агентлагт" харъяалагдан загвар өмсөгч, фото моделиор ажилладаг.



Тэрээр үзэгчдээс хамгийн их санал авсан ч шүүгдчийн дүнгээр хоёрдугаар байранд орсон билээ. Магадгүй багагүй амжилт гаргаж олон улсын тайзнаа алхсан түүнээс илүүтэй  Б.Цэрэндолгорт боломжийг олгосон болов уу? Тун царайлаг түүнийг хувиргахад хэцүү учраас ийм шийдвэр гаргасан байж болох юм. Ямартай ч энэхүү  шоу нэвтрүүлэгт орсон нь түүний карьерт илүү нэр хүндийг авчирсан биз.