Сайтын холбоод хамтарч ВЭБ АВАРДС-2017 цахим салбарын тэргүүн наадмыг зохион байгуулна

“Вэб авардс-2017” цахим салбарын тэргүүн наадмын ёслол хүндэтгэлийн үйл ажиллагаа энэ сарын 28-ны өдөр 14 цагаас Улсын драмын эрдмийн театрт болно. Монголын сайтуудыг эгнээндээ нэгтгэсэн “Монголын Сайтын холбоо”, “Тэргүүлэгч сайтуудын холбоо”, “Мэдээллийн сайтуудын ассоциаци” зэрэг төрийн бус байгууллагууд нэгдэн, Харилцаа холбоо, мэдээллийн технологийн газар, Монголын сэтгүүлчдийн нэгдсэн эвлэл зэрэг мэргэжлийн байгууллагуудтай хамтран “Вэб авардс-2017” цахим салбарын тэргүүн наадмыг зохион байгуулах гэж байна.

 

Энэ жил гурав дахь удаагаа зохион байгуулах гэж буй “Веб авардс-2017” цахим салбарын оны тэргүүн наадмын үеэр:

 

    1.Мэдээллийн шилдэг сайт

    2. Шилдэг технологи нэвтрүүлэгч сайт

    3. Нийгмийн хариуцлагыг дэмжигч сайт

    4. Төсөл хэрэгжүүлэгч шилдэг сайт

    5. Төрөлжсөн мэдээллийн шилдэг сайт

    6. Шилдэг Вэб хөгжүүлэгч

    7. Онлайн худалдааны шилдэг сайт

    8. Зар сурталчилгааны шилдэг сайт

    9. Шилдэг “Start up” төсөл

    10. Төрийн байгууллагын шилдэг сайт

    11. Орон нутгийн шилдэг сайт

    12. Шилдэг Дебют сайт

    13. Шилдэг жиргээч

    14. Шилдэг Facebook цахим хуудас зэрэг номинациар шилдгүүдээ тодруулж, цом, өргөмжлөл гардуулна.

 

Мөн үүний зэрэгцээ:

 

1. Нийгмийн хөгжлийг дэмжигч Үндэсний шилдэг Бүтээн байгуулалт

2. Нийгмийн хөгжлийг дэмжигч Үндэсний шилдэг Үйлдвэр

3. Нийгмийн хөгжлийг дэмжигч Үндэсний шилдэг Хөрөнгө оруулагч

4. Нийгмийн хөгжлийг дэмжигч Үндэсний шилдэг Улстөрч

5. Нийгмийн хөгжлийг дэмжигч Үндэсний шилдэг цахим үйлчилгээ нэвтрүүлэгч нарыг тодруулж, алдаршуулах юм байна.