Д.Отгонжаргал СТА боллоо

Эмэгтэйчүүдийн баярыг тохиолдуулан "Voice"  поп опера хамтлаг Улсын филармонийн концертын танхимд "Сонгодог үдэш" тоглолтоо толилуулсан билээ. Уг тоглолтын үеэр тус хамтлагийн ахлагч, дуучин Д.Отгонжаргал Соёлын тэргүүний ажилтан цол тэмдгээр шагнуулсан байна. Тэрээр үзэгчдийн дунд хүлээлттэй байсан зохиолч Б.Шүүдэрцэцэгийн “Ану хатан” түүхэн киноны гол дүрийг чадварлаг бүтээсэн билээ.
Сонирхуулахад дуучин Д.Отгонжаргал нэгэн ярилцлагандаа “Би энэ киноноос өөр кинонд дахин тоглохгүй. Энэ дүрээрээ мөнхөрнө” гэжээ. Түүнчлэн Монголын кино урлагийн салбарт өөрийн хувь нэмрийг оруулсан хэмээн үзэж, Дархан-Уул аймгийн тэргүүний ажилтан цол тэмдэгээр шагнасан байна.