”Эко шөнийн тээвэр” төсөл хэрэгжиж шөнийн цагаар троллейбусаар үйлчилж эхэллээ

Монгол Улсын маань нийслэл Улаанбаатар хот шөнөдөө нийтийн тээврийн ямар нэгэн унаагүй, зөвхөн хувийн таксигаар үйлчлүүлэхээс өөр аргагүй байдалд иргэдийг хүргэдэг. Тэгвэл наадмын эхний өдрөөс эхлэн шөнө троллейбусаар үйлчлэхээр туршиж эхлээд байгаа ажээ.

"Цахилгаан тээвэр" компаниас "Эко шөнийн тээвэр" төслийг Улаанбаатарт хотноо туршилтын шугмаар ажиллуулж эхлээд байна. “Эко шөнийн тээвэр”-ийг энэ сарын 11-нээс эхлэн туршиж эхэлжээ. Т-3 “III, IV хороолол-БММЗ”, Т-2 “Ханийн материал-Офицерүүдийн ордон” маршрутаар хоёр тролейбус ажиллаж эхэлсэн байна.
Туршилтаар явж буй шөнийн тээвэр 23:00-05:00 цаг хүртэл явах бөгөөд том хүн 1000 төг, хүүхэд 500 төгрөгөөр зорчих аж. Аюулгүй байдлыг хангах үүднээс тээврийн хэрэгслийг бүрэн камержуулж, GPS суулгажээ.