Цахилгааны хязгаарлалтыг 43цаг хийнэ

Зуслангийн зарим айлуудад 43 цагийн хугацаанд цахилгааны хязгаарлалт хийнэ. “Хайлааст” дэд станцын 110 кВ-ын ил хуваарилах байгууламжийг нүүлгэн шилжүүлэхтэй холбогдуулан зуслангийн зарим айлуудад цахилгааны хязгаарлалт хийх болсон “Цахилгаан дамжуулах үндэсний сүлжээ” ТӨХК-ийн зүгээс долоодугаар сарын 31-ний үүрийн 03:00 цагаас наймдугаар сарын 1-ний 22:00 цаг хүртэл хийхээр төлөвлөжээ.

Энэ ажлыг гүйцэтгэх хугацаанд дэд станцаас тэжээгдэж буй 35 кВ-ын Яргайт, 10 кВ-ын фидерийн нийт 38 681 айл өрх, аж ахуйн нэгж буюу ЧД-ийн 11-19-р хороо, Хайлааст, Чингэлтэй, Таван буудал, Долоон буудал, Дамбадаржаа, Бэлх, Сэлх, БЗД-ийн 2, 21-р хорооний эрчим хүчийг хязгаарлахаар болсныг мэдэгдлээ.