“Торго-2014” загварын шоу маргааш болно

Жил бүр уламжлал болгон зохион байгуулагддаг томоохон загварын шоунуудын тоонд “Торго” шоу яах аргагүй ордог билээ.  “Торго Загвар” ХХК анх 2000 онд байгуулагдсанаасаа хойш өөрсдийн гэсэн брэндийг гаргаж, загвар сонирхогч төдийгүй чамин чанартай хэрэглээг эрхэмлэгч хүн бүрийн талархлыг хүлээж чадсан юм.



Тэгвэл Монгол үндэсний хувцасны уламжлал, шинэчлэлийг хослуулан танилцуулдаг “Торго-2014” загварын шоу маргааш “Мишээл экспо”-д болох гэж байна. Тус компанийн дизайнер О.Болдын уран сэтгэмжит таван коллекцийн 100 гаруй хувцас танилцуулах бөгөөд шоунд топ моделиуд болон “Торго” салоны загвар өмсөгч нар өргөнөөр оролцох юм байна. Энэ жил “Торго” шоуны 11 жилийн ой тохиож байгаа учраас онцгой бэлэг олныг зэхээд байгаа ажээ.